بلا شك مع انتشار صور الناس اللي بيتمتعوا بقوام ممشوق ، وقدر كبير من الجمال الموجودة على أغلفة المجلات والإعلانات . نقدر نقول إننا كلنا بنعاني من اضطراب صورة الجسد السلبية . من خلال المقالة ديه ، بنقدملك بعض النصائح اللي هتساعد إنك تتغلب على الاضطراب ده :

1- تجنب إنك تسيء لنفسك أو لغيرك . عادًة بتكون الطريقة اللي بتحكم بيها على الناس هي نفس الطريقة اللي بتحكم بيها على نفسك . إذا كنت بتشوف الناس التانية على إنهم كائنات وأنواع مختلفة عنك ، فده معناه إنك من المستحيل تكون شايف نفسك وبتحكم عليها بشكل موضوعي .

2-  تجنب اتباع الحميات الغذائية بشكل مستمر . الأفراد اللي بتبعوا حميات غذائية طوال الوقت ، معرضين لخطر الاضطراب الغذائي ، وكمان معرضين لنوبات الشرهة في الأكل وده بيأثر على الصحة الجسدية والعقلية وبيعرضهم للإصابة ببعض الأمراض منها: الإكتئاب، نوبات الغضب ، القلق ، مشاكل الهضم ، و متلازمة الأيض .

3- حاول إنك تبطل تفكير في شكل جسمك. فبدلًا من إنك تقضي معظم وقتك بتفكر في شكل جسمك ، حاول تركز في حاجة تانية زي : الدراسة، الهويات ، تواصل مع أصدقائك . اشغل دايمًا فكرك لأن ده هيخليك تقرب من الناس اللي بتشاركك نفس اهتماماتك . بالتأكيد، إنك تهتم بشكل جسمك وصحتك حاجة جميلة ، بس ده مش المفروض إنه يخليك تضيع حياتك على الموضوع ده بس .

4-  إعرف شكل جسمك وتقبله . ممكن تكوني ورثتي من مامتك خصرها الكبير ، أو تكون ورثت عن باباك طوله أو أكتافه العريضة . الجينات الوراثية ديه كوكتيل فريد وغريب في نفس الوقت ، كل شخص بيكون عنده جينات مختلفة عن الشخص التاني ، عشان كده الخطوة الأولى هي إنك تتعلم إزاي تحب جسمك وتحسنه بما يتناسب مع مواصفاته حجمًا وشكلًا .

5-  اسمع لجسمك ، لأنه مش هيكدب عليك . لما تكون مش بتاكل كويس ، وجسمك مش بيوصله الغذاء اللي محتاجه ، هينعكس ده عليك وعلى صحتك وهتحس بالفرق . وكمان تحس بإن جسمك فيه خمول ، وإنك محتاج لجرعات أكتر من الكافيين والسكر . وطبعًا إنك تحاول تغطي على سوء التغذية بزود المشكلة بمرور الوقت .

6-  المشاهير دول مش ناس "عاديين" ، لازم بتفكر نفسك دايمًا إن المشاهير دول بياخدوا فلوس عشان يهتموا بشكلهم قدام الكاميرا . وبيكون عندهم فريق كامل بيساعدهم على إنهم يتبعوا النظام الغذائي السليم، ويمارسوا الرياضة ، ويهتموا بشعرهم وجسمهم .