أساليب تنظيم الوقت

طـريـــــق النجــــــاح يبــــدأ بخطوة...         بالفعل. طريق النجاح بيبدأ بخطوة، والخطوة الرئيسية لنجاحك هى التنظيم. وتنظيم وقتك هو العامل الأساسى اللى هيرتب نظام حياتك وأهدافك وخططك ومستقبلك.      اتعلمنا زمان إن {الوقت كالسيف.. إن لم تقطعه.. قطعك}.. دا يأكدلنا إن الوقت فعلا زمن بيجرى ويا اما نستغله صح ونستفيد من كل لحظة فيه ونلاقى نتايجه مبهره فى الاخر، إما هتلاقيك عايش حياة روتينية مفيش فيها أى جديد ولا أى استفادة ـ مجرد عمر بيضيع ـ فلازم تستغل كل دقيقة بتعدى من عمرك، هتوصل لهدفك وتحقق أعلى نسبة نجاح وتميز.

أساليب تنظيم الوقت

حياة افضل

طـريـــــق النجــــــاح يبــــدأ بخطوة...

        بالفعل. طريق النجاح بيبدأ بخطوة، والخطوة الرئيسية لنجاحك هى التنظيم. وتنظيم وقتك هو العامل الأساسى اللى هيرتب نظام حياتك وأهدافك وخططك ومستقبلك.

     اتعلمنا زمان إن {الوقت كالسيف.. إن لم تقطعه.. قطعك}.. دا يأكدلنا إن الوقت فعلا زمن بيجرى ويا اما نستغله صح ونستفيد من كل لحظة فيه ونلاقى نتايجه مبهره فى الاخر، إما هتلاقيك عايش حياة روتينية مفيش فيها أى جديد ولا أى استفادة ـ مجرد عمر بيضيع ـ فلازم تستغل كل دقيقة بتعدى من عمرك، هتوصل لهدفك وتحقق أعلى نسبة نجاح وتميز.

 

         ومن أهم الطرق اللى هتساعدك فى تنظيم وقتك:---

 

  •       حدد أهدافك: (عايز تنجح؟.. لازم يكون ليك أهداف)

تحديد أهدافك هيساعدك تخطط بشكل أفضل وهينتج عنه تنظيم لوقتك.. قسم اهدافك حسب المطلوب الاول انجازه، واكيد ليك أهداف قريبة وأهداف بعيدة لازم تحددها بطريقة واضحة ومحددة وبشكل ذكي. وأهم حاجة تكون أهداف قابلة للإنجاز والتحقيق ومناسبة لشخصك وحدد لكل هدف وقت معين.

  •       حدد أولوياتك:

فى بداية يومك (يومياٌ) سجل أهم متطلباتك فى اليوم. يومك هيكون فيه أولويات مهمة مستعجلة لازم تنجزها الأول، وأولويات متوسطة الأهمية، وأولويات ممكن تتم بس تاخد وقت.. لو حددت وقت خاص لكل اولوية ومهمة، كل شئ حواليك هيتنظم ومش هتتعرض لضغوطات فى يومك ولا توتر وهتكون نفذت المطلوب منك ببساطة ويسر.

  •       استعير بالتطبيقات:

فى الوقت الحالى موجود على كافة وسائل التكنولوجيا تطبيقات بتساعدك على التنظيم، استخدمها هتساعدك كتير فى تأدية مهام يومك وتنظيم الوقت لكل شيئ محتاج تنفذه باليوم وبالاسبوع وبالشهر. وكمان هتساعدك للخطط المستقبلية البعيدة وهتفكرك بيها كل فترة.

  •       اسأل غيرك:

فى مهام واحتياجات ممكن نحتاج فيها مشاركة او مساعدة من الاشخاص اللى حوالينا فى الشغل او فى البيت. ممكن تفوض ليهم بعض المهام المطلوبة منك. هتقلل الأعباء عليك وهتنجز أعمال أكتر فى وقت أقل.

  •       وقت لنفسك:

بنحتاج كلنا اننا نلاقى وقت فيه لنفسنا.. وقتك مش كله مهمات فى الحياة لازم تنجزها.. {ان لبدنك عليك حق}.. حكمة فعلا لازم نعمل بيها، نفسيتك وبدنك ليها حق كبير عليك.. خصص لنفسك وقت هدوء وراحة & وقت للصلاة & وقت للسفر & وقت للقراءة (مهم جدا إنك تقرا) & وقت للرياضة & وقت لممارسة أى نشاط بتفضله. المهم تلاقى نفسك فى الوقت دا.

 

نظم وقتك الخاص فى البيت أيا تكن أو فى الشغل. هيساعدك كتير على الهدوء والاستقرار النفسى والتركيز، هيبعدك عن الضغط وهتعرف تستمتع بكل دقيقة بتعيشها وهتعرف تلاقى نفسك وهتلاقيك بتنجز كتير فى حياتك فعلا وعارف تنجح وتبقا مميز ومختلف...

أساليب تنظيم الوقت

جميع حقوق النشر محفوظة © 2015 ميدى كير.

.powered by diva-lab