إزاي تحسن علاقتك بإخواتك ؟

إن يكون عندك إخوات ديه نعمة ، لأنهم بيكونوا أول أصحاب ليك في الدنيا . أكيد بتتخانقوا كتير، بس ده مبيمنعش حقيقة إنكم بتحبوا بعض . بس سعات الخناقات ديه بتسيب جروح وعلامات في علاقاتكم ، إزاي ممكن تصلحوا ده ؟ وإزاي تحسن علاقتك بإخواتك ؟

إزاي تحسن علاقتك بإخواتك ؟

العلاقة بين أفراد العيلة

إن يكون عندك إخوات ديه نعمة ، لأنهم بيكونوا أول أصحاب ليك في الدنيا . أكيد بتتخانقوا كتير، بس ده مبيمنعش حقيقة إنكم بتحبوا بعض . بس سعات الخناقات ديه بتسيب جروح وعلامات في علاقاتكم ، إزاي ممكن تصلحوا ده ؟ وإزاي تحسن علاقتك بإخواتك ؟

                                             

اتجنب إنك تقارن نفسك بأخوك أو أختك ­­. افتكر دايمًا إنك لما هتعمل حاجة مميزة ، أهلك هيحتفلوا بيك وهيشجعوك زي ما بيعملوا مع إخواتك دلوقتي .

                                       

خلي محور الاهتمام يكون بالدور . مينفعش تستحوذ على كل الاهتمام طول الوقت . حاول إنك متغيرش من أختك أو أخوك لما  والدك ووالدتك يدوهم اهتمام كتير.

 

اتكلم عن علاقتك . عرف إخواتك إنك عاوز تحسن علاقتك بيهم . وضحلهم إنك بتحاول تعمل ده . ولو كان حد من إخواتك جرحك في الماضي ، سامحه . وانسى الماضي عشان تمتع بعلاقة جيدة وصحية مع إخواتك.

 

دعم إخواتك . لما يكون فيه حد من إخواتك بيمر بأزمة أو عنده مشكلة ، بيبقى ضروري جدًا إنك تقف جنبه وتدعمه . لأن الحياة فجأة ممكن تحدف علينا صدمات ومصايب زي الإصابة بمرض خطير ، أو الرفد من شغل، أو الطلاق . وطبعًا إنك تقف جنب إخواتك في الأوقات ديه وتدعمه عاطفيًا ده هيعني ليه كتير .

 

خليك دايمًا على اتصال . دايمًا تواصل مع إخواتك بشكل يومي ، وخلي ده من ضمن أولوياتك إنك تعرف حياتهم ماشية إزاي.

احتفلوا مع بعض بالأوقات الخاصة . حافظ دايمًا على فكرة إنك تحتفل مع إخواتك بأي لحظات أو ذكريات خاصة . لأن الذكريات ديه بتبقى غالية جدا وبتفضل معاكم طول العمر. وزي ما هتحتفلوا بالنجاحات الكبيرة ، احتفلوا بردو بمناسبات الصغيرة ، زي إن أول طفل لأخوك يتم شهرين.

 

الخلاصة ، إخواتنا دول سندنا في الدنيا ولازم نعمل كل اللي نقدر عليه عشان نقوي علاقتنا بيهم ونحسنها.

إزاي تحسن علاقتك بإخواتك ؟

جميع حقوق النشر محفوظة © 2015 ميدى كير.

.powered by diva-lab